Qurmetti Sýdıalar jáne sot qyzmetkerleri!
Bıyl – sot tóreligin atqarýǵa jaýapty azamattar úshin aıryqsha mańyzdy jyl. Sebebi, osydan 30 jyl buryn el egemendiginiń, adamdardyń quqyqtary men bostandyqtaryn saqtaýdyń myzǵymas tiregi sanalatyn Qazaqstan Konstıtýsıasy qabyldandy.
Qýatty ári táýelsiz sot júıesi quqyq ústemdigin qamtamasyz etý, sondaı-aq «Zań jáne tártip» qaǵıdatyn ornyqtyrý isinde sheshýshi ról atqarady. Sondyqtan biz osy strategıalyq mańyzy bar salada júıeli túrde reforma júrgizip kelemiz. Sot isi jetildirilip, basqarý úderisteri ońtaılandyrylyp, osy salaǵa sıfrlyq tehnologıalar engizilip jatyr. 1 shildeden bastap qylmystyq, azamattyq jáne ákimshilik ister jónindegi úsh derbes kasasıalyq sot jumys isteı bastaıdy. Bul qadam azamattardyń jáne bıznestiń óz quqyqtary men zańdy múddelerin qorǵaýǵa arnalǵan ınstıtýsıonaldyq múmkindigin edáýir attyrady.
Jurtshylyqtyń ádildikke degen senimi kóbinese sýdıalardyń kásibı biliktiligine, kez kelgen isti qaraǵan kezde ustanymyna berik bolyp, beıtaraptyq tanyta alýyna tikeleı baılanysty. Osy mańyzdy ári jaýapty mısıa tereń quqyqtyq bilimdi, zań ústemdigin únemi bárinen bıik qoıýdy talap etedi.
Sot qyzmetkerleri men ardagerlerine qajyrly eńbegi men óz kásibine adaldyǵy úshin shynaıy rızashylyǵymdy bildiremin.
Sizder Ádiletti Qazaqstandy qurý isine ólsheýsiz úles qosa beresizder dep senemin!
Barshańyzǵa zor densaýlyq, baq-bereke, tolaǵaı tabys tileımin!