Qazaqstanda balalardyń qoǵamdyq oryndar men áleýmettik jelilerdegi dóreki sózderi úshin jaza kúsheıtildi, dep habarlaıdy aqshamnews.kz
Qylmystyq kodekstiń 131-babyna sáıkes, kópshilik aldynda ar-namysty qorlaý, ásirese ádepsiz túrde (aýyzsha nemese jazbasha) balaǵattaý jaýapkershilikke ákelýi múmkin. Al eger jaı ǵana kóshede dóreki sózder aıtylsa, bul — usaq buzaqylyqqa jatady.
Ar-namysty qorlap, balaǵattaǵany úshin eresekter 100 AEK (393 200 teńgege deıin) aıyppul tóleıdi nemese 120 saǵatqa deıin qoǵamdyq jumystarǵa tartylady.
Qoǵamdyq orynda beıádep sóz aıtqany úshin: 20 AEK (78 640 teńge) aıyppul nemese 5-ten 15 táýlikke deıin ákimshilik qamaý, qaıtalap jasalsa 30 táýlikke deıin qamalady.
Kámeletke tolmaǵandardyń áreketteri úshin ata-analar nemese zańdy ókilder jaýapty.
Aıyppul mólsheri jasyna baılanysty:
14–16 jas: ata-analar tóleıdi — 7 AEK (27 524 teńge)
16–18 jas: jasóspirim jeke jaýapqa tartylýy múmkin; jumys istemese ata-anasy 10 AEK (39 320 teńge) aıyppul tóleıdi
12 jasqa deıin: tolyq jaýapkershilik ata-analarda; aıyppul — 10-nan 15 AEK-ke deıin (39 320 – 58 980 teńge)
Áleýmettik jelilerdegi balaǵat sózder men býllıngke qatysty da qatań jaza qarastyrylǵan: aıyppul — 200 AEK-ke deıin (786 400 teńge).
Polısıa ár jaǵdaıdy jeke qarastyrady. Dálel retinde kýágerlerdiń sózi, beıne jáne aýdıo jazbalar, sondaı-aq jazbasha balaǵat sózderge qatysty lıngvısıkalyq saraptamalar paıdalanylýy múmkin.