Prezıdent birqatar tapsyrma berdi.
Memleket basshysy Qasym-Jomart Toqaev Premer-Mınıstrdiń birinshi orynbasary Roman Sklár men Nur-Sultan qalasynyń ákimi Altaı Kólginovti qabyldady, dep habarlaıdy Almaty-akshamy.kz Aqordaǵa silteme jasap.
Qasym-Jomart Toqaevqa elordanyń áleýmettik-ekonomıkalyq jáne ınfraqurylymdyq damýy jóninde málimet berildi.
Prezıdentke áleýmettik nysandardyń qurylysy, gazben qamtý isi, úleskerlik qurylys nysandarynyń aıaqtalýy jáne ınvestısıa tartý máseleleri týraly baıandaldy.
Memleket basshysy áleýmettik nysandar qurylysynyń kólemin ulǵaıtý, tozyǵy jetken eski turǵyn úılerdi súrý jáne jańa turǵyn úı alaptaryn damytý qajet ekenine nazar aýdardy. Jumys oryndaryn ashý jáne jastardy qoldaý máselesi basym mindetterdiń biri retinde atap ótildi.
Bıyl 10 myń áleýmettik páter salynady. Sońǵy úsh jylda bul kórsetkish 3 eseden astam artqan. Bıyl taǵy da 40 kóp páterli turǵyn úı kesheniniń qurylysy aıaqtalady jáne keminde 16 mektep salynady.
Sonymen qatar kezdesý barysynda Qasym-Jomart Toqaevqa qaladaǵy epıdemıologıalyq ahýaldy turaqtandyrýǵa jáne vaksınalaýǵa baǵyttalǵan sharalar týraly baıandaldy. Prezıdent elordany odan ári damytý jóninde birqatar tapsyrma berdi.