Qan qysymy joǵary adamdarǵa qara shaıǵa áýes bolmaǵan jón – dáriger
Qara shaı arterıaldy qan qysymyn túsirýge kómektespeıdi. Bul týraly reseılik kardıolog-dáriger Iýrıı Konev REN TV-ǵa bergen suhbatynda aıtty, dep habarlaıdy Almaty-akshamy.kz
Buǵan deıin ǵalymdar qara shaıdy kúnine eki ret ishý joǵary qan qysymyn túsirýge kómektesedi dep málimdegen bolatyn. Gıpertonıkterge bul sýsyndy nelikten ishýge bolmaıdy? Arterıaldy qan qysymyn túsirý úshin qandaı azyq-túlik ónimderin shekteý kerek?
Qara shaı arterıaldy qan qasymyn túsirýge kómektespeıdi, kerisinshe kóteredi, dep eskertti dáriger-kardıolog. Mamannyń aıtýynsha, qan qysymy joǵary adamdarǵa kók shaı ishý kerek.
Arterıaldy qan qysymyn túsirý úshin kardıolog tuzdy jáne maıly taǵamdardy azaıtýǵa keńes berdi.
«Maıly, tuzdy, ásirese, konservilengen ónimder – marınadtar, tuzdalǵan ónimderdi dereý qysqartý kerek», - dep atap ótti Konev.
Biraq, maıly taǵamdy rasıonnan tolyqtaı alyp tastaýǵada bolmaıdy dep sanaıdy kardıolog.
Zertteý nátıjeleri
Al Nutrients jýrnalynda jarıalanǵan zertteýge sáıkes, qara shaı joǵary qan qysymymen kúresýge kómektesedi. Mundaı sheshimdi zertteýshiler 19 adamnyń qatysýmen ótken tájirıbeden keıin shyǵarǵan. Bul zertteýge qatysqandar segiz kún boıy qara shaıdy kúnine eki retten ishken jáne nátıjesinde olardyń qan qysymy tómendegen. Zertteý derekteri boıynsha, sýsynnyń adamǵa áser etýi ony ishkennen keıin bir saǵattan soń áser etken.