Kezdesý barysynda Prezıdent – Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaevqa qorǵanys vedomstvosynyń bıylǵy atqarǵan jumystarynyń qorytyndysy jáne áskerdiń jaýyngerlik daıyndyǵyna qatysty jańa tásilder, oqý bazasy men polıgondardyń jaı-kúıi týraly baıandaldy, dep habarlaıdy almaty-akshamy.kz.
Rýslan Jaqsylyqov Prezıdentke memlekettik qorǵanys tapsyrysyn oryndaý máselesine, ushqyshsyz ushatyn ushaq keshenderin, áýe shabýylyna qarsy qorǵanys áskerleriniń qarý-jaraǵyn, jańǵyrtylǵan brondy tehnıka men baılanys quraldaryn qosa alǵanda, avıasıalyq tehnıkanyń jańa úlgilerimen qamtamasyz etý máselesin baıandady. Sonymen qatar, azamattardy merzimdi áskerı qyzmetke shaqyrý barysy, áskerı qyzmetshilerdiń mártebesi men olarǵa beriletin aqshalaı qarajatty arttyrýǵa baǵyttalǵan sharalar týraly málimet berdi.
Qasym-Jomart Toqaev BUU aıasynda júzege asyrylatyn mısıalarǵa qatysý úshin qazaqstandyq bitimgerlik kontıngenttiń áleýetin arttyrý qajet ekenin atap ótti.
Kezdesý sońynda Memleket basshysy mınıstrge otandyq qorǵanys baǵytyndaǵy kásiporyndarmen yqpaldastyq jasaý, aýmaqtyq qorǵanysty jáne Arnaıy operasıalarǵa qatysatyn kúshterdi damytý, áskerı-patrıottyq jumysty kúsheıtý jóninde birqatar mindet júktedi.