1958 jyly 8 Naýryz kúni Almaty stýdıasy arqyly alǵashqy sıgnal búkil elge tarady
Qazaq televızıasynyń 65 jyldyǵyna oraı arnaıy shara ótip jatyr, dep habarlaıdy Almaty-akshamy.kz BAQ. KZ-ke silteme jasap.
Qazaq televızıasy 65 jylda halqymyzdyń aqparttyq jáne rýhanı qajetin ótep otyrǵan qýatty kúshke aınaldy. 1958 jyly 8 naýryz kúni Almaty stýdıasy arqyly alǵashqy sıgnal búkil elge tarady. Tarıhı derekterge súıensek, tuńǵysh qazaq telearnasynyń tyrnaqaldy habaryn teledıdardan 4100 respýblıka kórermeni tamashalaǵan. Osy oraıda qazaq televızıasynyń 65 jyldyǵyna oraı el Prezıdenti Qasym-Jomart Toqaev arnaıy quttyqtaý jedelhatyn joldady.
«Qurmetti "Qazaqstan" respýblıkalyq teleradıokorporasıasynyń ujymy! Sizderdi "Qazaqstan" telearnasynyń efırge shyqqanyna 65 jyl tolýymen quttyqtaımyn! Qazaq televızıasynyń qara shańyraǵy sanalatyn Ulttyq arna - elimizdegi buqaralyq aqparat quraldarynyń ishinde erekshe oryn alatyn medıaqurylym. Qazaqstan telejýrnalıstıkasynyń jylnamasy osy arnadan bastaý alady. Alǵash qurylǵan kúnnen bastap halyqqa qyzmet etýdi mańyzdy mısıasyna aınaldyrǵan Últtyq arna ujymy bul mindetin abyroımen atqaryp keledi. Ony baǵdarlamadaǵy zamana tynysynan emes, tól mádenıetimizdiń asyl qundylyqtaryn jáne ultymyzdyń bitim-bolmysynan kórýge bolady. Telearnanyń «Altyn qorynda» el shejiresindegi tarıhı sátter men halqymyzdyń birtýar perzentteriniń beınesi saqtalǵan.
Búginde irgeles memleketterge de taza qazaq tilinde habar taratatyn telearna ulttyń rýhanı tutastyǵyn saqtaýǵa zor úles qosyp otyr. "Qazaqstan" - qazaq telejýrnalıstıkasynyń ulaǵatty ustahanasy. Televızıa salasynyń kóptegen maıtalmany Ulttyq arnadan shyńdalyp shyqqany barshaǵa belgili. Osy oraıda jas urpaqqa tájirıbesin úıretip, taǵylymdy tárbıe berip júrgen aǵa býyn ókilderine shynaıy rızashylyǵymdy bildirgim keledi. Telearna jýrnalıseri árdaıym el múddesi úshin eńbek ete beredi dep senemin», - delingen Memleket basshysynyń quttyqtaý hatynda.