Eki el basshylary saýda-ekonomıkalyq yntymaqtastyq máselelerine erekshe nazar aýdardy
Memleket basshysy Shymkent qalasynda Ózbekstan Prezıdenti Shavkat Mırzıóevpen beıresmı kezdesý ótkizdi, dep habarlaıdy Almaty-akshamy.kz Aqordanyń resmı saıtyna silteme jasap.
Qazaqstan men Ózbekstan prezıdentteri eki el arasyndaǵy odaqtastyq qatynastardyń qazirgi jaǵdaıyn jáne ony nyǵaıtý perspektıvalaryn ózara senim, dostyq jáne tatý kórshilik rýhynda qarastyrdy.
Taraptar Qasym-Jomart Toqaevtyń byltyr jeltoqsan aıynda Tashkentke jasaǵan memlekettik saparynyń qorytyndysy boıynsha qol jetkizilgen ýaǵdalastyqtardyń júzege asyrylý barysyn talqylady.
Eki el basshylary saýda-ekonomıkalyq yntymaqtastyq máselelerine erekshe nazar aýdardy. Atap aıtqanda, ózara taýar aınalymyn arttyrý, ınvestısıa tartý, ónerkásip, energetıka, aýyl sharýashylyǵy, kólik jáne logıstıka salalaryndaǵy qarym-qatynastardy damytý perspektıvalary týraly sóz boldy.
Sonymen qatar Qasym-Jomart Toqaev pen Shavkat Mırzıóev óńirlik kún tártibindegi ózekti máseleler jóninde pikir almasty.
Osyǵan deıin Memleket basshysy Qasym-Jomart Toqaevtyń Ózbekstan basshysy Shavkat Mırzıóevpen beıresmı kezdesý ótkizý úshin Shymkent qalasyna barǵanyn jazdyq.