Kezdesýde eki el arasyndaǵy saýda-ekonomıkalyq jáne mádenı-gýmanıtarlyq baılanystar talqylandy
Qazaqstan Prezıdenti Azıadaǵy ózara is-qımyl jáne senim sharalary jónindegi keńesine (AÓSSHK) múshe memleketterdiń syrtqy saıası vedomstvo basshylarynyń altynshy keńesine qatysý úshin Nur-Sultan qalasyna kelgen Reseı Federasıasynyń Syrtqy ister mınıstri Sergeı Lavrovty qabyldady, dep habarlaıdy Almaty-akshamy.kz Aqordanyń resmı saıtyna silteme jasap.
Kezdesý aıasynda Qazaqstan men Reseı arasyndaǵy ekijaqty yntymaqtastyqtyń negizgi aspektileri, atap aıtqanda saýda-ekonomıkalyq jáne mádenı-gýmanıtarlyq baılanystar talqylandy.
Sonymen qatar óńirlik kún tártibi, Aýǵanstandaǵy jaǵdaıdy turaqtandyrý baǵytyndaǵy halyqaralyq kúshti jumyldyrý máseleleri sóz boldy. Memleket basshysy Qazaqstan tarapynan osy elge kórsetilip otyrǵan gýmanıtarlyq kómek sharalary týraly aıtty.
Qasym-Jomart Toqaev Azıadaǵy qaýipsizdik, janjaldardyń aldyn alý jáne beıbitshilikti qoldaý máselelerin sheshý baǵytyndaǵy ujymdyq tásilderdi pysyqtaýda Keńestiń jumysyn ilgeriletýdegi Reseıdiń mańyzdy ról atqaratynyn atap ótti.