Qazaqstanda benzınmen qamtý jaǵdaıy turaqty
Bul týraly QR Energetıka vıse-mınıstri Áset Maǵaýov málim etti, dep habarlaıdy Almaty-akshamy.kz QazAqparat saıtyna silteme jasap.
«Qazir elimizde benzın boıynsha jaǵdaı turaqty. Qazan aıynda shamamen 304 myń tonna 92 markaly benzın óndirý jospary tur. Onyń ishinde Atyraý zaýytynda 130 myń tonna, Shymkent zaýytynda 153 myń tonna jáne Pavlodar munaı-hımıa zaýyty 20 myń tonnaǵa jýyq ónim shyǵarýy tıis. Aıdyń basyndaǵy qolda bar bınzın qoryn esepke ala otyryp, ol shamamen 230 myń tonna ónim, ishki naryqty qamtımyz dep oılaımyn. Bizdiń boljam boıynsha, benzındi tutyný shamamen 340 myń tonnany quraıdy. Demek, qazan aıynda benzın jaǵdaıy qalypty bolmaq. Buǵan deıin qarasha-jeltoqsan aılarynda atalǵan ónim túrin eksporttaýdy josparlaǵan edik», - dedi Áset Maǵaýov Ortalyq komýnıkasıalar qyzmetinde ótken baspasóz máslıhatynda.
Odan bólek, mınıstrdiń orynbasary búginde elimizde dızel otynyna suranystyń artqanyn aıtty.
«Bıyl elimizde dızel óndirý 2015 jyldan beri joǵary kórsetkishke jetip 4,9 mln tonnany qurady. Ásirese, tamyz-qyrkúıek aılarynda atalǵan otyn túrin tutyný joǵary deńgeıge jetip, shamamen 520 myń tonnany qurap otyr. Buryn-sońdy ishki naryqta bundaı kórsetkish tirkelmegen», - deıdi ol.
Buǵan deıin vıse-mınıstr elimizde dızel tapshylyǵy máselesiniń qalaı sheshilip jatqanyn aıtyp berdi.