Adam aǵzasynda otteginiń uzaq ýaqyt jetkiliksiz bolýy psıhologıalyq kúızeliske ákep soǵady
Halyqaralyq ǵalymdar toby jahandyq zertteý júrgizip, sońǵy 1 jylda kúızeliske ushyraǵandar qatary álem boıynsha 28 paıyzǵa óskenin anyqtap otyr, dep habarlaıdy, Almaty-akshamy.kz
Ǵylymı jumystyń nátıjıesi The Lancet jýrnalynda jarıalandy. Iaǵnı, COVID-19 vırýsyna shaldyqqan naýqastar esh sebepsiz mazasyz kúıge túsip, uıqysy qashqan, as qorytý múshelerinde aýyrtpalyq sezingen. Al Dúnıejúzilik densaýlyq saqtaý uıymynyń ókilderi dál osyndaı jaǵdaı koronavırýs juqtyryp, jazylǵannan keıin de 3 aı boıy jalǵasýy múmkin ekenin aıtyp otyr.
«Koronavırýs ınfeksıasy qan tamyrlaryn zaqymdaıdy. Sonyń saldarynan ortalyq júıke júıesiniń jumysy nasharlaıdy. Sondaı-aq, respıratorlyq sındrom – qannyń quramyndaǵy otteginiń aıtarlyqtaı tómendeýine áser etýi múmkin. Al adam aǵzasynda otteginiń uzaq ýaqyt jetkiliksiz bolýy psıhologıalyq kúızeliske ákep soǵady», – dedi QR-daǵy DDU eldik ofısiniń Qazaqstandaǵy jáne Ortalyq Azıa elderindegi psıhıkalyq densaýlyq jónindegi ulttyq keńesshisi Nıkolaı Negaı.