Qasym-Jomart Toqaev Shavkat Mırzıóev pen baýyrlas halyqty Ózbekstan Respýblıkasynyń Táýelsizdik kúnimen quttyqtady, dep habarlaıdy aqshamnews.kz Aqordaǵa silteme jasap.
Memleket basshysy Qasym-Jomart Toqaev Prezıdent Shavkat Mırzıóevtiń qýatty ári bedeldi basshylyǵymen Ózbekstan áleýmettik-ekonomıkalyq damýda, azamattardyń ál-aýqatyn arttyrýda jáne halyqaralyq arenada ulttyq múddesin ilgeriletýde tańǵalarlyq tabysqa jetkenin atap ótti.
– Qazaqstan Ózbekstannyń strategıalyq seriktesi jáne senimdi odaqtasy retinde Sizdiń elińizben san qyrly memleketaralyq baılanysty odan ári tereńdetýge basa mán beredi. Qazaq-ózbek qarym-qatynasy ǵasyrlar boıy jalǵasqan dostyq, tatý kórshilik jáne ózara qoldaý rýhynda damı beretinine senimdimin. Bul baýyrlas halyqtarymyzdyń ıgiligine qyzmet etip, sondaı-aq Ortalyq Azıadaǵy turaqtylyq pen qaýipsizdikti qamtamasyz etýge septigin tıgizedi, – dep jazylǵan jedelhatta.