Búgin, 1 qyrkúıekte Almaty qalasynyń ákimi Darhan Satybaldy oqýshylardy «Keleshek mektepteri» ulttyq jobasy aıasynda salynǵan jańa mektepterdiń birinde Bilim kúnimen quttyqtady. Oqý jylynyń basynda megapolıste 12 myńnan astam oryndyq 7 zamanaýı mektep ashyldy.
Alataý, Almaly, Bostandyq jáne Naýryzbaı aýdandaryndaǵy jańa oqý oryndary keń kabınettermen, zamanaýı zerthanalarmen, sıfrlyq synyptarmen, sport keshenderimen jáne akt zaldarymen jabdyqtalǵan.
«Búgin Almatynyń 350 myńnan astam oqýshysy úshin alǵashqy qońyraý soǵyldy. 28 myńnan astam birinshi synyp oqýshylary alǵash ret mektep tabaldyryǵyn attady. Bul ata-analar men tárbıeshiler úshin erekshe ári qýanyshty sát. Memleket basshysy Qasym-Jomart Toqaev atap ótkendeı, ár balanyń sapaly bilim alýy úshin teń jáne zamanaýı jaǵdaı jasaý mańyzdy», – dep atap ótti Darhan Satybaldy.
Almaty ákimi qyrkúıek aıynyń sońyna deıin Almatyda 10,5 myń oryndyq taǵy 5 mektep ashý josparlanyp otyrǵanyn atap ótti. «Keleshek mektepteri» ulttyq jobasy aıasynda megapolıste barlyǵy 34,8 myń oryndyq 21 oqý ornynyń qurylysy júzege asyrylýda. Sondaı-aq jeke ınvestorlar esebinen 8 mektep salynýda. Budan basqa, «1300 mektepti jańǵyrtý» ulttyq jobasy aıasynda 2027 jylǵa deıin 31 mektepke kúrdeli jóndeý júrgiziletin bolady.
Ótken oqý jylyndaǵy Almaty oqýshylarynyń jetistikterin erekshe maqtanyshpen ataǵan jón. Qalanyń jas talanttary 21 halyqaralyq jáne 33 respýblıkalyq olımpıadalarǵa qatysyp, 1000-nan astam júldeli orynǵa ıe boldy. Almaty quramasy «Úzdik olımpıada komandasy – 2025» dep tanyldy. Oqýshylar Nıderlandy, Indonezıa, Úndistan jáne Kıprdegi robototehnıka chempıonattarynda elimizdiń atyn shyǵardy, ǵylym salasynda abyroı - bedelin arttyrdy.