Aýǵanstannyń shyǵysyndaǵy Kýnar provınsıasynda magnıtýdasy 6-ǵa jetetin jer silkinisi boldy, dep habarlaıdy aqshamnews.kz.
Aldyn ala málimetter boıynsha 250-den astam adam kóz jumdy, dep habarlaıdy Anadoly.
Bul týraly Aýǵanstan Aqparat mınıstrliginiń ókili habarlaǵan.
Onyń sózinshe, eń kóp zardap Kýnar provınsıasynyń aýdandarynda tirkelgen, joldar topan sý men jer qabaty syrǵýy saldarynan jabylǵan, izdeý-qutqarý jumystary tikushaqtardyń kómegimen júrgizilip jatyr. Zardap shekkenderdiń sany 500-den astam, al qaza tapqandar sanynyń kóbeıýi múmkin.
Aýǵanstan ýaqytsha úkimetiniń baspasóz hatshysy Zabıhýlla Mýdjahıd AQSH kompanıasy X áleýmettik jelisinde jer silkinisi adam shyǵynyna alyp kelgenin rastady.
Ol jergilikti bılik pen turǵyndardyń qutqarý operasıalaryna qatysyp jatqanyn, ortalyq úkimet pen kórshiles provınsıalardan komandalar apat aımaǵyna jiberilip jatqanyn atap ótti.
Jergilikti sheneýnikter bul elde bolǵan eń kúshti jer silkinisterdiń biri ekenin atap ótti. Sonymen qatar, óńirde magnıtýdasy 5,2-ge jetetin kem degende eki qaıtalama dúmpý tirkelgen.
AQSH Geologıalyq qyzmetiniń (USGS) dereginshe, jer silkinisiniń epısentri Djelalabadtan soltústik-shyǵysqa qaraı 27 shaqyrym jerde, 8 shaqyrym tereńdikte ornalasqan, Pákistanmen shekaraǵa jaqyn.