«Nomad Stunts» qazaqstandyq komandasynyń kaskaderi Ǵalymbek Qaratúrik Úndistandaǵy kınofestıvalde birinshi oryndy ıelendi, dep habarlaıdy almaty-akshamy.kz.
Úndistanda ótip jatqan «Atvıkvarýnı» halyqaralyq baıqaýyna álemniń túkpir-túkpirinen 240-tan astam kıno qatysty. Al osynshama fılm arasynan otandasymyzdyń lentasy «úzdik sheteldik fılm» nomınasıasy boıynsha jeńimpaz atandy.
Kınofestıvalde usynylǵan Kartına Ǵalymbek Qaratúriktiń naǵyz týyndysy. Ol túsirilgen fılmniń rejıseri ári rólderdiń birinde oınady. Osylaısha kaskaderdiń naǵyz sheberligin kópshilikke pash etti.
Ol qazir elimizdegi Ulttyq óner ýnıversıtetiniń stýdentterine óziniń baı tájirıbesimen bólisýde. Ol jaqyn arada birneshe qysqametrajdy jáne tolyqmetrajdy fılmder shyǵarýdy josparlap otyr.
«Kásibı deńgeıimdi tekserý, sondaı-aq ony odan ári damyta túsý maqsatynda halyqaralyq kınofestıvalge qatystym. Men úshin bul sátti joba boldy dep aıta alamyn. Fılm týraly aıtatyn bolsaq, ár halyqtyń «kúńgirt jaryq» fılosofıasy bar», - deıdi Ǵalymbek Qaratúrik.
Onyń pikirinshe, bizdiń halqymyzdyń fılosofıasy tabıǵatpen etene baılanysyp jatýynda ekenin fılmniń senarı avtory jáne rejıseri retinde aıtyp ótti.
«Bul kartınaǵa men 7 jyl boıy jumys istep kele jatqan «Nomad Stunts» halyqaralyq jobasynyń kaskaderleri de qatysty», - dep atap ótti Ǵalymbek Qaratúrik.
Aıta ketý kerek, qazaqstandyq kaskaderlik top álemdegi eń úzdikterdiń biri bolyp tanyldy. «Tomırıs» fılmindegi trúkteri úshin «Nomad Stunts» «Taýrýs» syılyǵyna ıe boldy. Bul bedeldi marapat kaskaderlik «Oskar» dep atalady.