Prezıdentke Mádenıet jáne aqparat mınıstrliginiń atqarǵan jumystarynyń nátıjesi, sondaı-aq vedomstvonyń aldaǵy qyzmeti barysynda qoldanylatyn perspektıvti tásilder jóninde baıandaldy.
Qasym-Jomart Toqaevqa aqparat, mádenıet, kreatıvti ındýstrıa, azamattyq qoǵam, din, etnosaralyq qarym-qatynas, jastar jáne otbasylyq-demografıalyq saıasat salalarynda qabyldanyp jatqan sharalar týraly málimet berildi, dep habarlaıdy Almaty-akshamy.kz Aqordanyń resmı saıtyna silteme jasap.
Aıda Balaeva vedomstvonyń jetekshilik etetin salalaryn damytýǵa qatysty josparyn aıtty.
Kezdesý sońynda Memleket basshysy mınıstrlikke mádenı-tarıhı nysandardyń ınfraqurylymyn damytý, shyǵarmashylyqty qoldaý, Qazaqstannyń mádenıetin shetelde dáripteý sekildi birqatar naqty mindet júktedi. Budan bólek, kreatıvti ındýstrıany ınstıtýsıonaldyq turǵyda qoldaý jáne atalǵan salany jedel damytý jumystaryn jandandyrý tapsyryldy.