Halyq aqyny Kenen Ázirbaev ánderinen dástúrli ánshiler arasynda respýblıkalyq konkýrs bastaldy.
Stýdentter arasynda uıymdastyrylǵan baıqaýǵa Qytaıdan, Mońǵolıadan, Ózbekstannan ónerpazdar qatysty, dep habarlaıdy Almaty-akshamy.kz 24.kz-ke silteme jasap.
Sal-serilik dástúrdiń sońǵy tuıaǵy Kenen Ázirbaev altyn qorǵa 130-dan astam án, 7 kúı qaldyrǵan. Uıymdastyrýshylardyń aıtýynsha, bas júlde – 700 myń teńge. Saıysqa 40 qatysýshy arasynan 25 úmitker iriktelip alyndy. Birinshi týrda jeńimpaz atanǵandar kelesi týrǵa ótedi.
«Respýblıkamyzdaǵy sal-serilerimizdi nasıhattaý. Onyń ishinde Kenen Ázirbaevtyń ánderin nasıhattaý kerek. Negizi buryn aıtylmaı qaldy. Aragidik bir-eki ánshiler aıtatyn. Endi osy ánderdi júıege kirgizý kerek qoı», - Qazaqstannyń halyq ártisi Qaırat Baıbosynov.
«Qazaqtyń belgili aqyny, Kenen Ázirbaevtyń týǵanyny 140 jyl tolyp otyr. Bul mereke Qazaqstannyń ár qalasynda, oblys ortalyqtarynda ár jerde is sharalar júrgizip jatyr. Sol is-sharanyń bireýi, minekeı, Astana qalasynda tuńǵysh ret Kenen Ázirbaev ánderinen konkýrs ótkizip jatyr. Konkýrstyń bir ereksheligi kásipqoı ánshiler shyqpaıdy. Jastarǵa arnalǵan», - deıdi K.Ázirbaevtyń uly Baqytjan Ázirbaev.