Kórme ekspozısıasynda jete oryndalǵan ılústrasıalardyń 207 paraǵynan turatyn osy serıanyń 14-tomy usynylǵan. Olar Ortalyq Azıanyń jarqyn jáne erekshe mádenıeti men ómir saltyn kórsetetin áserli, ári shıelenisken oqıǵalardy, áserli keıipkerlerdi sıpattaıdy. Manga XIX ǵasyrdyń ortasynda bastaý alyp, qalyńdyqtyń beınesine erekshe nazar aýdara otyryp, kóshpendilerdiń ómirin baıandaıdy.
«Qalyńdyqtyń hıkaıasy» serıasy 2008 jyly Aokishi (Kadokawa) manga jýrnalynda jarıalana bastady jáne qazir keń tanymaldylyqqa ıe. 14 tomy jaryq kórdi, birneshe tilge aýdaryldy. Serıa kóptegen otandyq jáne halyqaralyq marapattarǵa ıe boldy, sonyń ishinde 2014 jylǵy Manga Awards syılyǵynyń bas júldesi. 2022 jyly «Japonıa men Ortalyq Azıanyń bes eli arasyndaǵy dıplomatıalyq qarym-qatynastardyń ornaǵanyna 30 jyl tolýyna arnalǵan mereıtoılyq joba» aıasynda «Qalyńdyqtyń hıkaıasy» Kıotodaǵy Halyqaralyq manga mýzeıinde kórmege qoıyldy.
«Kórme ekspozısıasyna qoıylǵan ılústrasıalar XIX ǵasyrdaǵy Ortalyq Azıanyń mádenıeti men dástúrin, otbasylyq qarym-qatynasyn jáne baı murasyn Kaorý Morı manganyń keremet óneri arqyly tanystyrdy. Avtor kelýshilerdi XIX ǵasyrdaǵy kóshpeliler tarıhymen tanysýǵa shaqyrady, bul kóshpeli rýlar men qala turǵyndary óz jerlerin syrtqy shapqynshylyqtan qorǵaý úshin birigip jatqan kezeńde damyǵan. Morı hanymnyń asqan sheber óneri Ortalyq Azıanyń ómirin, peızajdary men sáýletin qaıta elestetip, osy jerlerdi mekendegen kóshpendilerdiń ómirin áserli, ári tartymdy baıandaıdy. Bul serıa búgingi kúni de búkil álemdegi oqyrmandardy baýrap alýdy jalǵastyrýda», – deıdi kórme kýratory Dıdar Azat.
«Qalyńdyqtyń hıkaıasy» serıasynyń manga kórmesi «Kadokava» korporasıasynyń jáne Qazaqstan Respýblıkasyndaǵy Japon elshiliginiń qoldaýymen ótedi.