Prezıdent Qasym-Jomart Toqaev Almatyda qaıǵyly oqıǵa kezinde qaza tapqan polısıa qyzmetkerleri men áskerı qyzmetshilerdiń týǵan-týystarymen kezdesti. Memleket basshysy qaıǵyra kóńil aıtyp, otbasy múshelerimen áńgimelesti. Olarǵa memleket tarapynan jan-jaqty qoldaý kórsetiletinin atap ótti, dep habarlaıdy Almaty-akshamy.kz
– Olar halqymyzdyń qaýipsizdigi úshin, elimizdiń bolashaǵy úshin óz jandaryn qurban etken naǵyz batyrlar. Biz olardyń erligine tántimiz, eshqashan umytpaımyz. Olar halqymyzdyń jadynda máńgi saqtalady. Sizderdiń otbasylaryńyz nazardan tys qalmaıtynyna sóz beremin. Baspana bolsyn, balalardyń oqýy bolsyn, barlyq máselege árqashanda kómek kórsetetin bolamyz, – dedi Prezıdent.
Qasym-Jomart Toqaev áskerı jáne qyzmettik mindetin oryndaý kezinde kórsetken batyrlyǵy men jankeshtiligi, memleket múddesin qorǵaý barysynda kórsetken erlikteri úshin birine jar, birine áke bolǵan marqumdarǵa berilgen nagradalardy týǵan-týystaryna tabys etti.