Qasym-Jomart Toqaevqa ortalyqtyń quqyqtyq tártipti jáne qala turǵyndary men qonaqtarynyń qaýipsizdigin qamtamasyz etýdegi róli týraly málimet berildi, dep habarlaıdy Almaty-akshamy.kz Aqordanyń resmı saıtyna silteme jasap.
Shuǵyl áreket etý ortalyǵynda qala aýmaǵyndaǵy shuǵyl jaǵdaılar týraly túsken aqparattar táýlik boıy úzdiksiz jınalyp, olarǵa taldaý jasalady jáne quqyqbuzýshylyqtyń aldyn alý jumystary júrgiziledi.
Prezıdentke qaladaǵy terorıstik akt kezinde buzaqylardyń maqsatty túrde 20 kóshege ornatylǵan 493 beınekamerany, beınebaqylaýdy basqarý jáne baılanys júıesiniń tehnıkalyq jabdyqtaryn isten shyǵarǵany jóninde baıandaldy.
Úkimettik komısıa men ákimdikke baqylaý júıelerin túgeldeı qalpyna keltirý tapsyryldy. Qaladaǵy tártipti 10 myńǵa jýyq beınekamera baqylaıtyn bolady.