Óz erkimen ketemiz degen shetel azamattary men konsýldyq qyzmetkerlerine el Úkimeti evakýasıalanýǵa qoldaý kórsetken.
Amerıka Qurama Shtattary Qazaqstan Úkimetine Almatydan óz erkimen ketemiz degen konsýldyqtyń keıbir qyzmetkerlerin, AQSH azamattaryn jáne basqa da shetel azamattaryn 12 qańtarda ýaqytsha evakýasıalaýǵa qoldaý kórsetkeni úshin alǵys aıtty, dep habarlaıdy Almaty-akshamy.kz QazAqparat saıtyna silteme jasap.
«Qazaqstan árqashan Amerıka Qurama Shtattarynyń senimdi dosy bolyp qala beredi. Biz qazaqstandyqtardyń turaqtylyǵyna jáne halyqtyń bul daǵdarystan shyǵa alatynyna senemiz» delingen elshiliktiń málimdemesinde.
AQSH Memlekettik hatshysy Entonı Blınken Qazaqstannyń Syrtqy ister mınıstri Muhtar Tleýberdimen 6 qańtarda sóıleskende aıtqandaı, AQSH Qazaqstannyń konstıtýsıalyq ınstıtýttaryn tolyǵymen qoldaıdy. «Jaǵdaıdyń múmkindigine qaraı, bizdiń qyzmetkerlerimiz Almatyǵa qaıta orala alar degen oıdamyz», - dep málim etti AQSH elshiligi.