Prezıdent quqyq qorǵaý organdaryna azamattardyń konstıtýsıalyq quqyqtarynyń qatań saqtalýyn qamtamasyz etýdi tapsyrdy.
Sonymen birge Qasym-Jomart Toqaev İİM basshylyǵyna quqyqtyq tártip pen qoǵamdyq qaýipsizdik deńgeıin odan ári arttyrý jóninde birqatar mindet júktedi, dep habarlaıdy Almaty-akshamy.kz
Marat Ahmetjanov:
elimizdegi krımınogendik ahýal jóninde málimdedi;
qylmys sanynyń azaıǵany jóninde baıandady;
CyberPol jobasynyń nátıjelerimen tanystyrdy;
esirtki qylmysyna qarsy kúres baǵytynda júrgizilip jatqan jumystardyń qorytyndysy týraly esep berdi:
– jyl basynan beri quqyq qorǵaý jáne arnaýly organdardyń birlesken kúsh-jigeriniń nátıjesinde 14,3 tonna esirtki, sonyń ishinde 71,5 kg geroın, 652 kg sıntetıkalyq esirtki tárkilengen;
– İİM kúshteri 52 esirtki zerthanasyn joıyp, 85 tonna prekýrsor tárkilengen;
uıymdasqan qylmystyq toptardyń áreketteri boıynsha 37 qylmystyq is tirkelgenin aıtty;
adam saýdasyna baılanysty 111 qylmys anyqtalǵanyn habarlady;
otbasylyq-turmystyq salada zorlyq-zombylyq jasaǵandarǵa qatysty jaýapkershilikti qatańdatý sharalary týraly baıandady;
jol-kólik oqıǵalarynyń aldyn alý jáne sheteldik avtokólikterdi zańdastyrý jumystarynyń nátıjelerin usyndy.