Prezıdentke osy jyldyń qańtar aıyndaǵy krımınogendik ahýal týraly aqparat berildi.
Mınıstrdiń málimetine sáıkes, keshendi aldyn alý sharalaryn júzege asyrý nátıjesinde kisi óltirý, densaýlyqqa aýyr zıan keltirý, tonaý, urlyq, buzaqylyq, mal urlyǵy, sondaı-aq kóshede jasalǵan qylmystar sany aıtarlyqtaı azaıǵan, dep habarlaıdy t.me/aqorda_resmi
Qasym-Jomart Toqaevqa kóshi-qon jaǵdaıy, uıymdasqan jáne esirtki qylmystaryna qarsy sharalar, sondaı-aq quqyq buzýshylyqtar men jol-kólik oqıǵalarynyń aldyn alý jumystarynyń nátıjeleri jóninde baıandaldy.
Marat Ahmetjanov Sybaılas jemqorlyqqa qarsy saıasattyń 2022-2026 jyldarǵa arnalǵan Prezıdent bekitken tujyrymdamasy aıasynda polısıa qyzmetkerleriniń adaldyǵyn tekserý (Integrity check) jónindegi pılottyq jobanyń alǵashqy nátıjeleri týraly esep berdi.
Mınıstr sheteldik avtokólikterdi zańdastyrý jumystarynyń barysy jaıynda da aıtty. Sondaı-aq qoǵammen birlese otyryp, Qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasy ázirlenip jatqany týraly baıandady.
Memleket basshysy azamattyq qoǵam ókilderi men jýrnalıserge qarsy baǵyttalǵan zańǵa qaıshy áreketterdi jáne arandatýshylyqty áshkereleý jumystaryn jandandyrýdy tapsyrdy.
Sonymen qatar Prezıdent elimizdegi quqyqtyq tártip pen qoǵamdyq qaýipsizdik deńgeıin odan ári arttyrý jóninde birqatar tapsyrma berdi.