Kúdikti buǵan deıin de isti bolǵan.
Almatyda taǵy bir sheteldik qalta urlyǵy úshin ustaldy, dep habarlaıdy Almaty-akshamy.kz Polisia.kz-ke silteme jasap.
Qalta urlyǵyn jasaǵan Ózbekstan azamaty bolyp shyqty.
«39 jastaǵy shetel azamaty smartfon urlady degen kúdikke ilindi. D. esimdi azamattyń 38-baǵyttaǵy qoǵamdyq kólikte urlyq jasaǵany belgili boldy. Ol jolaýshy kúrtesiniń qaltasynan Samsung telefonyn sýyryp alǵan. Jedel izdestirý is-sharalarynyń nátıjesinde kúdikti ustaldy. Aıǵaqty zat – uıaly telefon tárkilendi jáne bótenniń múlkin urlaý deregi boıynsha tirkelgen qylmystyq iske qosyldy. Keltirilgen materıaldyq shyǵyn 120 myń teńgeni qurady. Ustalǵan azamat ýaqytsha ustaý ızolátoryna qamaldy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Kúdiktiniń buǵan deıin de osyǵan uqsas qylmys jasaǵany úshin isti bolǵany belgili boldy.