Memleket basshysy Kongo Respýblıkasy Prezıdentiniń strategıalyq máseleler jáne halyqaralyq yntymaqtastyq jónindegi jeke ókili Fransýaza Jolıdi qabyldady
Prezıdent Qasym-Jomart Toqaev Fransýaza Jolıge iltıpat bildire otyryp, onyń bul sapary Qazaqstan men Kongo Respýblıkasy arasyndaǵy ózara tıimdi baılanystardy damytýǵa degen shynaıy nıettiń belgisi sanalatynyn atap ótti, dep habarlaıdy Almaty-akshamy.kz Aqordanyń resmı saıtyna silteme jasap.
Memleket basshysy bıyl elderimiz dıplomatıalyq qatynastardyń 25 jyldyǵyn atap ótetinine toqtalyp, Kongo Respýblıkasymen yqpaldastyqty nyǵaıtýǵa daıyn ekenin aıtty.
Óz kezeginde Fransýaza Jolı qurmet kórsetkeni úshin Qasym-Jomart Toqaevqa alǵys bildirip, Prezıdent Denı Sassý-Ngessonyń izgi tilegin jetkizdi.
Kezdesýde Kongo Respýblıkasy Prezıdentiniń Qazaqstanǵa jasaıtyn aldaǵy saparyna qatysty máseleler, sondaı-aq ekijaqty yntymaqtastyqtyń perspektıvti baǵyttary talqylandy.