Malaızıa 2023 jyly 4,5 mıllıonnan astam sheteldegi musylman saıahatshylaryn qabyldap, musylmandar úshin eń úzdik týrısik baǵyt retinde pozısıasyn saqtap qaldy.
Malaızıa Mastercard-Crescentrating Global Muslim Travel Index reıtıńisinde osymen toǵyzynshy ret birinshi orynǵa qol jetkizip otyr, dep habarlaıdy Almaty-akshamy.kz Islam.kz portalyna silteme jasap.
Bul jaıynda islam.kz portaly óz kezeginde TheSun.my aqparat kózine jón siltegen IslamNews saıtyna silteme jasaı otyryp málim etedi. Sondaı-aq, ońtústik-shyǵys azıadaǵy atalǵan el musylmandarǵa arnalǵan týrızm men qonaqjaılylyqty damytýdaǵy qarqyndy kúsh-jigeriniń nátıjesinde ekinshi jyl qatarynan «Halal in Travel Awards 2024» («Musylmandarǵa qolaıly jyldyń eń jaqsy jeri») atandy. Bul týraly Ózbekstandaǵy týrızm mınıstrleriniń 12-shi Islam konferensıasynda sóılegen sózinde mınıstrliktiń bas hatshysy Datýk Rýslan Ábdirahman málimdedi.
«Dúnıejúzindegi eki mıllıard musylmandy qamtıtyn musylman týrısik naryǵy týrızm ındýstrıasynyń jańa jáne mańyzdy segmentin qalyptastyrýda. Bul Islam Yntymaqtastyǵy Uıymyna (IKU) múshe memleketter úshin musylmandarǵa qolaıly ónimder men qyzmetterge ósip kele jatqan suranysty qanaǵattandyrý úshin strategıalyq turǵydan tıimdi», - dep qortyndylady ol sózin.