Almaty qalasynyń TJD jáne «Qazseldenqorǵaý» MM Aqsaı ózeniniń baseıninen Kishi Almaty ózeniniń baseınine deıin İle Alataý jotasyndaǵy bıik taýly morendi kólder men muzdyqtardyń jaǵdaıyn tikushaqpen tekserip shyqty.
Sonymen qatar, selden qorǵaý nysandary da qaraldy, dep habarlaıdy Almaty-akshamy.kz.
Almatynyń taý bókterinde barlyǵy 51 morendi kól bar, onyń altaýy – eń serpindi. Bul Kishi Almaty ózeni baseınindegi №6 kól; Úlken Almaty baseınindegi № 10, 13-bıs kólderi jáne Aqsaı ózeni bassınindegi № 8, 9, 10 kólderi.
Qazirgi ýaqytta Almaty qalasyndaǵy sel qaýpi turaqty jáne erekshe baqylaýda. Kólderdiń kóp bóligi 65-70% - ǵa tolady - sý deńgeıi qaýipsiz belgilerde. Qazirgi kezde taýlarda aýa temperatýrasy 5-6°S quraıdy.
Shildede bıik taýly aımaqtaǵy ortasha aılyq temperatýra 7-15°s sheginde aýytqıdy. «Qazgıdromet» RMK uzaq merzimdi boljamy boıynsha jazǵy kezeńde taýlarda aýa temperatýrasynyń joǵarylaýy kútiledi, keıde normadan joǵary (22°S deıin). Sel shyǵaryndylarynyń aldyn alý úshin bıyl morendi kólderdiń sýy aǵyzylady.
Almatynyń jergilikti búdjet rezervinen osy maqsattarǵa qarajat bólindi. Bul qarajatqa sý aǵyzý arnalaryn tazartý jáne tereńdetý úshin ónimdiligi joǵary sorǵylar, sıfon qubyrlary, dánekerleý apparattary jáne basqa da jabdyqtar satyp alynady.
«Qazseldenqorǵaý» MM mamandary 10 turaqty jáne 3 maýsymdyq postarda baqylaý júrgizedi. 20 maýsymnan keıin qalǵan 10 maýsymdyq postta baqylaý bastalady.
Almaty qalasyndaǵy sel qaýpi bar jaǵdaı TJD men «Qazseldenqorǵaý» AQPTB MM erekshe baqylaýynda.