«Ortalyq Azıa – Eýropalyq Odaq» samıti aıasynda Memleket basshysy Eýropalyq Keńes Prezıdenti Sharl Mıshelmen kezdesý ótkizdi, dep habarlaıdy Almaty-akshamy.kz.
Qasym-Jomart Toqaev Sharl Mıshelge iltıpat bildire otyryp, Qazaqstan Eýropalyq Odaqpen strategıalyq seriktestikke basa mán beretinin atap ótti. Elimizdiń Eýropalyq Odaqpen jasaǵan Keńeıtilgen seriktestik jáne yntymaqtastyq týraly kelisimi berik qarym-qatynastardyń jańa kezeńine jol ashty.
Búginde EýroOdaq – Qazaqstannyń jetekshi saýda seriktesi jáne ekonomıkamyzdyń eń iri ınvestory. Óz kezeginde Sharl Mıshel EýroOdaq pen Qazaqstan arasyndaǵy yntymaqtastyqtyń qarqyndy damyp kele jatqanyn joǵary baǵalap, ózara qarym-qatynasty odan ári damytý úshin birlese jumys isteý kerek ekenin atap ótti. Sondaı-aq olar jahandyq jáne óńirlik kún tártibindegi máseleler jóninde pikir almasty.