Bul týraly Aqordanyń resmı saıty jazdy, dep habarlaıdy Almaty-akshamy.kz BAQ.KZ-ke silteme jasap.
Zaýyt basshysy kásiporynnyń munaı men gaz, kúrdeli metal konstrýksıalaryn óndirýge, óńdeýge, tasymaldaýǵa arnalǵan joǵary tehnologıalyq jabdyqtar shyǵarýmen aınalysatynyn baıandady. Kompanıa – General Electric kompanıasynyń gaz týrbınasy boıynsha strategıalyq seriktesi. Zaýyt aýmaǵynda «Baker Hughes General Electric Company» sertıfıkattaǵan jáne BHGE mamandarynyń usynystaryna sáıkes zamanaýı tehnologıalyq quraldarmen jabdyqtalǵan qyzmet kórsetý ortalyǵy jumys isteıdi. Sondaı-aq zaýyt aýyl sharýashylyǵynyń qajettilikteri úshin Fregat sebelep sýaratyn mashınalar óndirisin damytý jobasyn júzege asyrýdy josparlap otyr.
Kásiporyn jumysymen tanysqan Memleket basshysy jańa jobalardy júzege asyrýdyń mańyzdylyǵyn atap ótti. Onyń pikirinshe, óndiris orny munaı-gaz jáne energetıka salalaryna arnalǵan joǵary tehnologıalyq jabdyqtar shyǵarady, sondyqtan bul salalarda otandyq mashına jasaý ónimderiniń úlesin arttyrý mańyzdy.