Mundaı norma «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasynda belgilengen. Qujatty QR Memlekettik qyzmet isteri agenttiginiń tóraǵasy Darhan Jazyqbaev tanystyrdy.
«Saıası laýazymdy tulǵany senimsizdikke baılanysty qyzmetinen bosatýǵa qatysty tolyqtyrýlar qarastyrylǵan. Zańǵa sáıkes, saıası laýazymdy tulǵa - saıası mindetterdiń oryndalýyna jaýapty qyzmetker, ıaǵnı saıası sheneýnikke júkteletin jaýapkershilik úlken. Osyǵan baılanysty Prezıdent Ákimshiliginiń tapsyrmasy boıynsha senimin joǵaltýyna baılanysty óz ókilettikterin tıisinshe oryndamaǵan saıası laýazymdy tulǵany qyzmetinen bosatý ınstıtýty júzege asyrylady. Mundaı qyzmetten bosatý týraly sheshimdi tek memleket basshysy ǵana qabyldaıdy»,-deıdi Darhan Jazyqbaev
Zańnamaǵa «kelisimshartpen jumys isteıtin qyzmetkerler»túsinigin engizý de qarastyrylǵan. Olar memlekettik qyzmetker qataryna jatpaıdy. Olar respýblıkalyq jáne basqa da jobalardy júzege asyrý úshin bir jyl jumys isteıdi.
Qujatta vahtalyq tólemdi engizý qarastyrylǵan.
«Qoldanystaǵy zańnamaǵa sáıkes basqa aımaqqa rotasıalanǵan qyzmetker ýaqytsha baspanamen qamtamasyz etilýi kerek. Alaıda qyzmettik páterlerdiń joqtyǵynan rotasıalanǵan qyzmetkerler óz qarajatyna baspanany jalǵa alýǵa májbúr. Bul kóptegen qyzmetkerdiń rotasıadan bas tartýy faktisi. İske asyrý Vahtalyq tólem osy olqylyqtardyń ornyn toltyrýǵa baǵyttalǵan. Aıta keteıik, RBK vahtalyq tólemdi engizý úshin 2023-2025 jyldarǵa qajet qarajat bólý máselesin maquldady»,-deıdi agenttik tóraǵasy.
Sonymen qatar qujat memlekettik qyzmettegi qashyqtan jumys isteý normalaryn jáne ıkemdi jumys ýaqytyn retteıdi. Memlekettik organdar basshylar men oryndaýshylar sanyn retteýdi qamtamasyz etedi, sonymen birge memlekettik qyzmetkerdiń laýazym aılyqaqysy boıynsha jumys ótilin esepteý tártibin bekitý jónindegi ókilettikterdi agenttikke berýdi kózdeıdi.
-Memlekettik organdarda jumys kestesiniń durys saqtalýyn baqylaýdy júzege asyrý qarastyrylǵan. Aqpan aıynda Ákimshilik quqyq buzýshylyq týraly kodekske ózgerister engizilip, memlekettik organdarda jumys kestesin zańsyz buzý týraly ákimshilik isterdi qaraý "Tótenshe jaǵdaılar jónindegi komıtetke" berildi. Buǵan deıin mundaı isterdi ákimdikter janyndaǵy eńbek ınspeksıasy qaraǵan. Bul túzetý 1 sáýirden bastap kúshine enedi. Osyǵan baılanysty memlekettik qyzmet týraly zań agenttikke memlekettik organdarda jumys kestesiniń durys saqtalýyn qadaǵalaý fýnksıasyn júkteıtinin jetkizdi Darhan Jazyqbaev.
Senat depýtattary da tártipsizdikke shaqyrǵany úshin sanksıany kúsheıtetin túzetýlerdi qoldady.