Berlınde Aı-Tı-Bı dep atalatyn álemdegi eń iri týrısik jármeńke bastaldy.
Aýqymdy sharaǵa Qazaqstan da qatysyp jatyr. Otandyq týrızm kompanıasy uıymdastyrǵan ulttyq stendte, eýropalyqtarǵa, elimizdegi kórikti jerler men baǵyttar usynyldy, dep habarlaıdy Almaty-akshamy.kz 24.kz-ke silteme jasap.
Berlınde álemdegi eń iri týrısik jármeńke ashyldy. Bastaýyn 1966 jyldan alatyn bul shara indet bastalǵaly alǵash ret uıymdastyrylyp otyr. Oǵan álemniń 180 elinen kelgen týrızm ındýstrıasynyń jetekshi ókilderi qatysyp jatyr. Arasynda qazaqstandyq qatysýshylar da bar. Kelýshiler nazaryna kıiz úı jıhazdary men buıymdary, qymyzdan jasalǵan balmuzdaq sekildi taǵamdar usynylǵan.
«Germanıa turǵyndary úshin, jalpy Eýroodaq elderi úshin vızasyz rejım qoldanylady. Germanıadan Qazaqstannyń birneshe qalasyna tikeleı reıster ashylǵan. Jalpy biz eýropalyq jıhankezder úshin - Ortalyq Azıadaǵy týrısik baǵyttyń biri sanalamyz. Qazaqstan sheteldikterge óte qyzyq. Ásirese ulttyq saıabaq jaǵynan. Óıtkeni bizdiń elde 14 ulttyq saıabaq bar», - deıdi «Kazakh Tourism» UK» AQ jylytý departamentiniń dırektory Shyryn Mýsına.
Berlınge el atynan 20-ǵa jýyq týrısik kompanıa barǵan. Báriniń maqsaty bir – iskerlik baılanys ornatyp, sheteldik týrıserdi kóptep Qazaqstanǵa tartý. Jalpy nemister saıahatty jany súıetin halyq sanalady. Jıhan kezýge qomaqty qarjy jumsaýǵa árdaıym daıyn. Statısıkaǵa súıensek, 2021 jyldyń qarashasy men 2022 jyldyń qazan aıy aralyǵynda olar týrısik joldamaǵa 25 mıllıard eýro jumsaǵan. Osy rette sarapshylar Qazaqstannyń eýropalyq týrıserdi ózine tartýǵa áleýeti zor deıdi.
«Qazaqstanda birneshe ret boldym. Almaty men Astana qalalaryn jaqsy bilem. Meniń oıymsha, mundaı sharalarǵa qatysyp, óz múmkindikterińizdi kórsetý óte mańyzdy. Sizderdiń el qysta taý-shańǵy shıpajaılaryna barýǵa, jazda haıkıngpen aınalysýǵa bolatyndyǵymen tartymdy. Biraq bul rette Úndistan men Qytaı týrıserin umytpaǵan abzal. Óıtkeni olar sizderge jaqynyraq. Qazaqstan árdaıym álemdegi eń abyroıly týrısik jármeńkelerge qatysyp keledi», - týrızm salasyndaǵy sarapshy Volfgang Maıerhofer.
Aldaǵy ýaqytta óz elimizdiń áleýetin eýropanyń basqa da qalalarynda sonymen qatar Dýbaı men Gonkongta kórsetý josparda bar.