Memleket basshysy «Qazposhta» AQ basqarma tóraǵasy Ásel Janasovany qabyldady, dep habarlady almaty-akshamy.kz.
Ásel Janasova Memleket basshysyna «Qazposhta» aksıonerlik qoǵamynyń bıylǵy 8 aıda atqarǵan jumystarynyń nátıjesi jóninde baıandady. Atap aıtqanda, kompanıa shyǵyndardy ońtaılandyrý, elektrondy komersıany jáne basqa da qarjylyq qyzmetterdi damytý esebinen sońǵy 5 jylda alǵash ret shyǵyny az, tabysty mekemege aınalǵan;
«Qazposhtanyń» 8 aıdaǵy kirisi ótken jyldyń osy kezeńimen salystyrǵanda 44 paıyzǵa nemese 16,7 mıllıard teńgege artqan.
Elimizdiń shalǵaı eldi mekenderinde «Qazposhtanyń» bólimsheler jelisin keńeıtý josparlanyp otyrǵanyn jetkizdi. Bul poshta, qarjy, agenttik, áleýmettik jáne memlekettik qyzmetterdi qamtamasyz etýge múmkindik beredi;
«Qazposhta» aksıonerlik qoǵamy elektrondy komersıa naryǵynyń sýbektileri úshin biryńǵaı ekojúıe quratyny jóninde málimet berdi. Ol úshin kompanıa fýlfılment ortalyqtaryn damytý, otandyq jáne sheteldik tanymal marketpleıster úshin tapsyrystar berý pýnktterin ashý, qoımalar men poshtamat jelilerin keńeıtý jumystaryn júrgizip jatyr;
Aqtóbe qalasynda, Túrkistan jáne Almaty oblystarynda logıstıkalyq hab salý jospary boıynsha tanystyrdy. Mundaı logıstıkalyq hab osy aptada Astana qalasynda ashylmaq.
Qasym-Jomart Toqaev kompanıanyń qarjylyq jaǵdaıyn jaqsartý jumystaryn jalǵastyrýdy, aýyl turǵyndaryna kórsetiletin áleýmettik jáne memlekettik qyzmetter aıasyn ulǵaıtýdy tapsyrdy.