Memleket basshysy Ádilet mınıstri Azamat Esqaraevty qabyldady, dep habarlaıdy Almaty-akshamy.kz
Qasym-Jomart Toqaevqa ádilet organdarynyń bıylǵy 9 aıda atqarǵan jumysynyń qorytyndysy men aldaǵy jospary jóninde baıandaldy.
Memleket basshysyna qabyldanyp jatqan zańnamalyq sharalar, atap aıtqanda Qylmystyq, Qylmystyq-prosestik, Qylmystyq-atqarý, Ákimshilik quqyq buzýshylyq kodeksterin ońtaılandyrý úshin ázirlengen zań jobalary, sondaı-aq ákimshilik ádilet salasyn jetildirý jáne keńeıtý máseleleri jóninde málimet berildi.
Budan bólek, Prezıdentke azamattyq hal aktilerin tirkeý, jyljymaıtyn múlikke qatysty quqyqtar, notarıattyq, advokattyq qyzmetter, atqarýshylyq is júrgizý salalaryndaǵy jańalyqtar jáne zıatkerlik menshik quqyqtaryn qorǵaý sharalary týraly aıtyldy.
Kezdesý sońynda Qasym-Jomart Toqaev Azamat Esqaraevqa «Zańsyz ıemdenilgen aktıvterdi memleketke qaıtarý týraly» Zańdy júzege asyrýǵa qatysty zańǵa táýeldi aktilerdi jedel qabyldaý úshin Bas prokýratýramen tyǵyz qarym-qatynasta jumys isteýdi tapsyrdy. Sonymen qatar Prezıdent zańdar men zańǵa táýeldi aktilerdi qabyldaý kezinde múddeli memlekettik organdarmen úılesimdi jumys istep, Konstıtýsıa talaptarynyń saqtalýyn qamtamasyz etý qajet ekenin atap ótti.