Sársenbi kúni Qazaqstan aýmaǵynyń basym bóligine antısıklon júredi. Eldiń batysynda, soltústik-batysy men shyǵysynda atmosferalyq fronttardyń ótýine baılanysty jańbyr jaýady, shyǵysynda jańbyr, arty qarǵa ulasady dep kútilýde, dep habarlaıdy almaty-akshamy.kz «Qazgıdromet» RMK-ǵa silteme jasap.
Respýblıka boıynsha tuman boljanady. Sondaı-aq eldiń soltústiginde, ońtústigi men batysynda ekpindi jel turady.
Atap aıtqanda, túnde Aqmola oblysynyń ońtústiginde, shyǵysy men ortalyǵynda, Soltústik Qazaqstan oblysynyń ońtústik-shyǵysynda – 1-3 gradýs, Qostanaı oblysynyń ońtústik-shyǵysynda 1 gradýs úsik júredi.
Túrkistan, Qyzylorda oblysynyń ortalyǵynda, shyǵysy men ońtústiginde órt tutaný qaýpi saqtalyp otyr.
Jambyl oblysynda, Atyraý oblysynyń ońtústigi men shyǵysynda, sondaı-aq órt qaýpi joǵary.