Bıyl Almatyda joldardy ortasha jóndeý aıasynda jaıaý júrginshilerge arnalǵan jeti «qaýipsizdik araldary» jabdyqtaldy, dep habarlaıdy almaty-akshamy.kz.
Atap aıtqanda, olar Seıfýllın dańǵylynda, Jumabaev kóshesinen tómen, Abaı dańǵylynda Abylaı han dańǵylynyń qıylysynda, sonymen qatar, Jeltoqsan, Qonaev, Naýryzbaı batyr jáne Masanshy kóshelerinde paıda boldy. «Araldar» «Vision Zero Almaty» is-sharasy boıynsha Almaty ákimdiginiń mektepter, balalar jáne mektepke deıingi mekemeler mańynda jobalyq keńsesiniń qoldaýymen jabdyqtalady.
«Qaýipsizdik araldary» - bul jaıaý júrginshiler kólik legin kútetin jáne kólik ıeleri jyldamdyqty tómendetýi kerek arnaıy tańbalanǵan joldaǵy shaǵyn aımaqtar. Bul álemniń kóptegen elinde jol qozǵalysy qatysýshylarynyń qaýipsizdigin arttyrý jáne joldardaǵy JKO sanyn azaıtý úshin ornatylady.
Buǵan qosa, jolaýshylardyń qaýipsizdigi jáne qoǵamdyq kóliktiń yńǵaıly toqtaýyna, aıaldamada múmkindigi shekteýli adamdarǵa arnalǵan 4 jáne odan da kóp jolaqty joldarda avtobýs pandýstaryn ornatý úshin avtobýs qaltalary joıylady. Bul jumystar Seıfýllın dańǵylynda, Abaı dańǵylynda, Saıyn dańǵylynda júrgizildi. Ári Almaty boıynsha jolaýshylardyń avtobýstardy jaıly kútýi úshin aıaldamalar tıisti jaǵdaıǵa keltiriledi.
Almaty qalasynyń mobıldilik basqarmasy 2023 jyly uzyndyǵy 200 km bolatyn 230 kóshe ortasha jóndeýden ótti, bul rette Almaty ákimi Erbolat Dosaevtyń tapsyrmasymen qalaǵa keıinnen qosylǵan aýdandardaǵy jańa joldardyń qurylysyna erekshe nazar aýdaryldy. Birinshi kezekte osy aýdandarda ınjenerlik jelilerdiń qurylysy júrgizildi, sodan keıin asfált tóseldi. Ál-Farabı, Abaı dańǵyly jáne t.b. sıaqty negizgi magıstraldyq kóshelerde alǵash ret biregeı jabyn – polımerli asfált qoldanyldy, ol tózimdi, joldy paıdalaný merzimin birneshe ese arttyrady.
Almatyda uzyndyǵy 3 097 km bolatyn 2746 kóshe bar. Bıyl jaqsy jáne qanaǵattanarlyq jaǵdaıdaǵy avtojoldardyń úlesin Almaty qalasynyń ákimdigi ótken jylǵy 86%-dan 89%-ǵa deıin, al 2025 jylǵa qaraı 95%-ǵa deıin kóterýdi josparlap otyr. Bul úshin jyl saıyn uzyndyǵy keminde 200 km joldarǵa ortasha jóndeý júrgizý kózdelgen, basqasha aıtsaq, bul jóndeý jumystarynyń kólemi megapolıstiń ınfraqurylymdy jaqsartý jáne Almaty turǵyndary úshin jaılylyqty arttyrý jónindegi josparyna tolyq sáıkes keledi.