Memleket basshysy Adam quqyqtary jónindegi ýákil Artýr Lastaevty qabyldady.
Ýákil bıylǵy 5 aıda atqarǵan jumystarynyń qorytyndysy týraly baıandady. Ombýdsmen keńsesi men onyń óńirlerdegi ókildikteri osy ýaqyt aralyǵynda azamattardyń 2 318 ótinishin qaraǵan.
Artýr Lastaevtyń aıtýynsha, jergilikti jerdegi jumysty kúsheıtý úshin Ulttyq preventıvti mehanızm músheleriniń quramy jańarǵan. Balalarǵa arnalǵan mekemelerdegi qatygezdik áreketterdiń aldyn alý máselesin erekshe nazarda ustaıdy. Atap aıtqanda, Ýákil osyndaı mekemelerge 213 ret baryp, 800-den astam usynym jasaǵan. Azaptaý faktilerine qatysty tergeý amaldary júrgiziledi. Quqyq qorǵaý organdaryna birqatar arnaıy usynym berilgen.
Qasym-Jomart Toqaev tıisti memlekettik organdarmen birlesip, azamattardyń quqyqtaryn tıimdi qorǵaýdy qamtamasyz etý mańyzdy ekenin aıtty.