Aýyl sharýashylyǵy mınıstri Erbol Qarashókeev Úkimet otyrysynyń kýlýarynda kókónisterdiń baǵasy týraly aıtty, dep habarlaıdy Almaty-akshamy.kz.
«Maýsym aıynda ótken jyldyń qory taýsylyp, jańa ónimder keledi. Al erte pisken kókónister sál qymbattyraq. Kókónister ońtústikten jáne irgeles memleketterden keledi. Biz kókónis qoımalarynyń sanyn kóbeıtý josparlaryn qaıta qarastyramyz. Ótken jyly biz 2021-2022 jyldarǵa arnalǵan jospardy 110%-ǵa asyra oryndadyq, bıyl biz josparlardy ulǵaıtýdy qaıta qaraımyz. Biz kólemi 100 myń tonnadan asatyn kókónis qoımalaryn salamyz. Qazir biz sýbsıdıalaý erejelerine ózgerister engizip jatyrmyz. Eger buryn kókónis saqtaý qoımalary qurylysynyń 25% sýbsıdıalanǵan bolsa, tońazytqysh jabdyǵy bar kezde bul kórsetkishti 40%-ǵa, al retteletin gaz ortasy bolsa 50%-ǵa deıin jetkizemiz. Ol jemisterdi saqtaý kezinde kóbirek qoldanylady», - dedi mınıstr Úkimet kýlýarynda.