Oqý-aǵartý mınıstri mektepterdegi Jańa jyldy atap ótý týraly pikir bildirdi, dep habarlaıdy aqshamnews.kz
Ǵanı Beısembaev mektepterde Jańa jyldy toılaý qarjylyq jınaýlar men qymbat is-sharalarsyz ótýi kerektigin eske saldy. Bul talap tek bitirý keshterine ǵana emes, basqa da sharalarǵa, onyń ishinde Jańa jyldyq shyrsha merekelerine de qatysty.
«Buǵan deıin aıtqanymyzdaı, taǵy da qaıtalap ótemin: mektepterde eshqandaı qarjy jınaý bolmaýy kerek. Bul mınıstrlik buıryǵymen tyıym salynǵan», – dep atap ótti mınıstr.
Beısembaevtyń aıtýynsha, merekelik is-sharalardy ata-analardyń qarjylyq qatysýynsyz-aq uıymdastyrýǵa bolady.
«Kez kelgen is-shara jastardyń tárbıesine baǵyttalýy tıis, jaı ǵana kóńil kóterý emes», – dep qosty ol.
Mınıstr muǵalimderge syılyq berý máselesine de toqtaldy:
«Muǵalimder eshqandaı syılyq kútpeıdi dep senimmen aıta alamyn. Biz, ustazdar, balalardy oqytyp, tárbıeleýdi materıaldyq marapat kútpesten oryndaımyz. Eger keıbir bilim berý uıymdarynda mundaı áreketterge jol berilip jatsa, habarlańyzdar – tıisti sharalar qoldanamyz», – dedi Beısembaev.
Mınıstr merekelerde, mysaly, Muǵalimder kúni sıaqty jaǵdaılarda gúl syılaýǵa ruqsat etilgenin, biraq mekteptiń basty maqsaty sapaly bilim berý men tárbıe ekenin erekshe atap ótti.