Búginde osy ataýmen elimizde óńirlerdegi shaǵyn jobalardy qamtıtyn «Aýyl mektebi – sapa alańy» jobasy júzege asýda.
QR Úkimetiniń otyrysynda oqý-aǵartý mınıstri Ǵanı Beısembaev aýyl mektepterinde bilim sapasyn kóterý maqsatynyda qolǵa alynǵan sharalarǵa toqtalyp ótti, dep habarlaıdy aqshamnews.kz Oqý-aǵartý mınıstrligine silteme jasap.
Ótken jyly Aqtóbe oblysynda Oqý-aǵartý mınıstrliginiń, «Qazaqstan halqyna» qoǵamdyq qorynyń jáne Bilim berýdi turaqty damytý qoldaýymen sıfrlyq tehnologıalardy paıdalana otyryp, aýyl mektepteriniń áleýetin arttyrý jónindegi joba tabysty júzege asyryldy. Jobaǵa 12 tirek jáne 134 shaǵyn jınaqty mektep, 11 myńnan astam bilim alýshy men 3,5 myńǵa jýyq pedagog qatysty.
Jobaǵa qatysqan mektep basshylary men pedagogteri sıfrlyq quzyrettilik pen kásibı damýǵa baǵyttalǵan arnaıy kýrstardan ótti. Shaǵyn jınaqty mektepterdiń tehnıkalyq múmkindikterine qaraı oqytýdyń 4 modeli ázirlenip engizildi.
«Joba aıasynda tirek mektepteriniń materıaldyq-tehnıkalyq bazasy tolyǵymen jańartylyp, shaǵyn jınaqty mektepter pándik jáne sıfrlyq kabınettermen jabdyqtaldy. Mektepter jyldamdyǵy joǵary ınternetpen qamtamasyz etildi», - dep málimdedi Ǵanı Beısembaev.
Sondaı-aq ótken oqý jyly Almaty oblysynyń 50 mektebinde jaratylystaný-matematıkalyq baǵyttaǵy pánder boıynsha bilim sapasyn arttyrý maqsatynda «Bilim-ınnovasıa» lıseıleriniń tájirıbesine negizdelgen joba júzege asyryldy, al bıylǵy jyly Mańǵystaý oblysynda «Otpan» jobasy bastaldy. Joba 50 mektepti qamtıdy, onyń ishinde 35 mektep aýyldyq jerlerde ornalasqan. Oǵan barlyǵy 60 myń bilim alýshy men 7 myń pedagog qatysty.
Esterińizge sala keteıik, Qazaqstanda búginde 8 myń mektep bar, onyń 67% aýyl mektepteri, 51% shaǵyn jınaqty mektepter. Shaǵyn jınaqty mektepterdiń eń kóp sany Soltústik Qazaqstan, Qostanaı, Aqmola, Pavlodar, Batys Qazaqstan jáne Aqtóbe oblystarynda ornalasqan.