Mınıstr Sharlapaev Qazaqstanǵa kólikterdi ákelýge tyıym salý jaıly pikir bildirdi
Qazaqstanda kólik quraldaryn ákelý tártibine ózgeris engizildi. Endi jylyna bir kólikten artyq ákelgisi keletin adam zańdy tulǵa retinde tirkelýi tıis, dep habarlaıdy aqshamnews.kz
Sonymen qatar, ákelinetin kólik úsh jyldan eski bolmaýy kerek. Ónerkásip jáne qurylys mınıstri Qanat Sharlapaev brıfıń barysynda bul talaptyń 2015 jyldan beri qoldanysta ekenin, biraq endi tártiptiń birshama qatańdatylǵanyn atap ótti.
«2023 jyly bir adamnyń 793 kólik ákelgen jaǵdaıy boldy. 34 adam 100-den astam kólik ákeldi. Bul áreketter kásipkerlik qyzmettiń aıqyn belgilerine jatady. Munda qandaı da bir shekteý engizý emes, másele zań talaptaryn saqtaý jaıynda. Eger adamdar kólik ákelý arqyly kásipkerlikpen aınalysqysy kelse, ıaǵnı júzdep kólik tasymaldasa, olar memlekettik organdardyń zańdy talaptaryn oryndaýy qajet. Barlyq tıisti tólemderdi tóleýleri kerek», – dedi mınıstr.
Mınıstrdiń aıtýynsha, eger adam kólik satýmen aınalysqysy kelse, onda jaýapkershilikti moınyna alyp, JSHS ashyp, resmı dıler retinde tirkelýi qajet.