«Jaıly mektep» jobasy arqyly elde 2025 jylǵa deıin 800 myń oqýshyǵa arnalǵan mektepter salý josparlanyp otyr.
«Jaıly mektep» ulttyq jobasy aıasynda Astanada 80 myń oryndy qamtıtyn 24 mektep salynady. Búgin elordadaǵy birneshe mektepti aralaǵan Oqý-aǵartý mınıstri Asqat Aımaǵambetov osylaı dedi, dep habarlaıdy Almaty-akshamy.kz
Mınıstr qala shetindegi mektepterge eskertýsiz bardy. Bilim mekemeleriniń jumysy oń baǵalandy. Asqat Aımaǵambetov mektepterde birdeı sapa, birdeı múmkindik bolýy kerek ekenin aıtty. Jańa mektepter boı kóterse, bas qalada oryn tapshylyǵy túbegeıli sheshiletinin jetkizdi.
«Memleket basshysynyń bergen tapsyrmasynyń sheńberinde jumys júrgizilip jatyr. Respýblıka boıynsha barlyq oblystar ózderiniń jer telimderin belgilep, aıqyndap, oǵan ınjenerlik ınfraqurylymnyń jetkilikti bolý máselesi, bul jobanyń ereksheligi bul tek qana mektepter, ǵımarattar salý ǵana emes, oǵan tratýar, avtobýs aıaldamalary , ınjenerlik ınfraqurylymy qoljetimdi bola ma barlyq máseleler keshendi qarastyrylyp jatyr», - QR Oqý-aǵartý mınıstri Asqat Aımaǵambetov.