Almaty ákimi Erbolat Dosaev EQYU-nyń demokratıalyq ınstıtýttar jáne adam quqyqtary jónindegi búrosynyń QR Prezıdentiniń kezekten tys saılaýyn baqylaý jónindegi halyqaralyq mısıasynyń basshysy Ýrshýla Gasekpen kezdesti, - dep habarlaıdy almaty-akshamy.kz
Kezdesýge sondaı-aq uzaq merzimdi baqylaýshylar – Fransıadan kelgen Moler Sılvan men Chernogorıadan kelgen Maııa Belıch qatysty.
Qala ákimi Erbolat Dosaev EQYU tarapynan kórsetilgen konsýltatıvtik qoldaýǵa alǵysyn bildirdi jáne Qazaqstan Respýblıkasy Prezıdentiniń kezekten tys saılaýyna daıyndyq barysy týraly habardar etti.
Búginde Almatyda 600 saılaý ýchaskesi uıymdastyryldy, saılaýshylar tizimi qalyptastyryldy, aqparattandyrý arnalary iske qosyldy, olar: biryńǵaı nómiri «1315» call-ortalyǵy, ákimdiktiń Open Almaty qoǵamdyq qabyldaý saıtyndaǵy servıs jáne Telegram Bot (@almaty_sailau2022_bot).
Óz kezeginde Ýrshýla Gasek mısıanyń jumys saparlary týraly aqparatpen bólisti. Búginde baqylaýshylar memlekettik organdardyń, saıası partıalardyń, azamattyq qoǵam men buqaralyq aqparat quraldarynyń ókilderimen kezdesýler ótkizýde. Saılaý kúni mısıa músheleri saılaý ýchaskeleriniń ashylýyn, daýys berýdi, búletenderdi sanaýdy jáne qorytyndylardy baqylaıdy.
EQYU ókilderiniń aqparaty boıynsha, Qazaqstandaǵy mısıa negizgi komandadan turady, onyń quramyna Astanada ornalasqan 11 halyqaralyq sarapshy jáne búkil el boıynsha 30 uzaq merzimdi baqylaýshy engen.