Elimizde mektep asqanasynan ýlaný jıilep ketti.
Prezıdenttiń aıtýynsha, asqanadaǵy taǵamdar ósip kele jatqan aǵzany barlyq qajetti dárýmenmen qamtamasyz etýi kerek, dep habarlaıdy aqshamnews.kz
Prezıdent mektep asqanalaryndaǵy tamaqtyń sapasyna basa mán berý qajet ekenin erekshe atap ótti.
«Máselen, mektepterde bastaýysh synyp oqýshylary men az qamtylǵan otbasylardan shyqqan balalar memleket esebinen tegin ystyq tamaqpen qamtylady. Alaıda mektep asqanalaryndaǵy tamaqtyń sapasyna basa mán bergen jón. Jaqynda Mańǵystaý oblysynda balalar astan ýlandy. Bul oqıǵanyń qoǵamda qyzý talqylanýy oryndy. Mundaı jaǵdaılardyń qaıtalanýyna jol bermeý kerek. Sanıtarlyq-epıdemıologıalyq normalardyń saqtalýyn qatań baqylaý qajet. Biraq máseleniń máni tym tereńde jatyr. Oqýshylardy sapasy kúmándi ári arzan azyq-túlikpen tamaqtandyra almaımyz. Balalardy tamaqtandyrýdyń halyqaralyq standarttaryna umtylǵanymyz durys. Asqanadaǵy taǵamdar ósip kele jatqan aǵzany barlyq qajetti dárýmenmen qamtamasyz etýi kerek. Bul óskeleń urpaqtyń densaýlyǵyna tikeleı áser etedi. Quzyrly mekemeler mektep asqanalaryndaǵy azyq-túliktiń sapasyn kóterý máselesimen muqıat aınalysýy qajet. Mektepterde durys tamaqtandyrý mádenıetin qalyptastyrý úshin agroónerkásip kesheni bilim berý oryndarynyń seriktesine aınalǵany jón», – dedi Prezıdent.