Qylmystyq toptyń quramynda bolǵan bes adam Almaty oblysy men Shyǵys Qazaqstan oblysynan kelgender, dep habarlaıdy Almaty-akshamy.kz Polisia.kz-ke silteme jasap.
«Qaskóıler «iske» jupqa bólinip bardy. Kompúterlik klýbta oryn alǵan urlyqtyń biri beınebaqylaý kameralarynyń obektıvine túsip qalǵan. Aıyptalýshylardyń árbir qadamy: terezeni syndyrýdan bastap, aqsha men uıaly telefon urlaǵandaryna deıin jazylǵan. Jedel izdestirý is-sharalary barysynda bizdiń bólimsheniń krımınaldyq polısıa bóliminiń qyzmetkerleri polısıanyń arnaıy jasaqtarynyń kómegimen toptyń barlyq múshelerin jáne urlanǵan taýardy satyp alýshyny ustady. Anyqtalǵandaı, ol tek oıyn prıstavkalaryna qyzyǵýshylyq tanytqan. Bul jaǵdaıda suranys usynysty týdyrdy. Alǵan oljanyń sátti satylatynyn anyq bilgen urylar tek kompúterlik klýbtardy tonap júrgen», – deıdi Medeý aýdandyq polısıa basqarmasynyń bastyǵy İlıas Ómirserikov.
Ustalǵandardyń árqaısysynyń buryn qylmys jasaǵany jáne Qylmystyq kodekstiń ártúrli baptary boıynsha sottalǵandyǵy belgili boldy. Qazirgi ýaqytta kúdiktilerdiń eki urlyqqa qatystylyǵy dáleldendi. Ustalǵandarǵa aıyp taǵyldy.
Polısıa qyzmetkerleri olardyń buryn-sońdy jasalǵan osyǵan uqsas qylmystarǵa qatysy bar-joǵyn tekserip jatyr.