Muǵalim synypty genderlik prınsıp boıynsha toptarǵa bóle alady.
2021 jyldan bastap engizilgen taǵy bir jańalyq – dene shynyqtyrý páni muǵalimderine 3 saǵattyq sport seksıasyn ótkizgeni úshin jalaqysyna qosymsha 100% tólemniń berilýi, dep habarlaıdy Almaty-akshamy.kz Mektepke deıingi jáne orta bilim komıtetine silteme jasap.
Jańa oqý jylynda dene shynyqtyrý sabaǵynda birqatar ózgeris bolady.
Birinshiden, balalarǵa memlekettik tapsyrys arqyly jeke uıymdardaǵy úıirmeler men sport seksıalaryna qatysýǵa qosymsha múmkindik berilip otyr.
«Demek, balalar dene shynyqtyrý sabaqtarynda aptasyna úsh ret dene shynyqtyrýmen aınalysady, sondaı-aq keste boıynsha sport seksıalaryna qatysa alady», - delingen resmı habarlamada.
2021 jyldan bastap engizilgen taǵy bir jańalyq – dene shynyqtyrý páni muǵalimderine 3 saǵattyq sport seksıasyn ótkizgeni úshin jalaqysyna qosymsha 100% tólemniń berilýi. Oqýshylar osy seksıalarǵa da qatysady. Bunyń barlyǵy oqý josparlarynyń júktemesin asyrmaı, balalar arasynda buqaralyq sportty damytýǵa jaǵdaı jasaıdy.
Al dene shynyqtyrý sabaqtarynyń sanyna qatysty ózgeris joq. Jańa oqý jylynda 1-11 synyp oqýshylary burynǵydaı aptasyna úsh saǵatty dene shynyqtyrý sabaǵyna arnaıdy. Memlekettik bilim berý standartyna sáıkes, bir synyptyń barlyq oqýshysy dene shynyqtyrý sabaǵyna qatysady. Biraq muǵalim balalardy birneshe topqa bóle alady.
«Bul rette mektep baǵdarlamalarynda qyzdar men uldardyń dene shynyqtyrý jattyǵýlarynyń jekelegen normatıvteri bar, olar sabaqta mindetti túrde saqtalýǵa tıis. Iaǵnı, muǵalim synypty genderlik prınsıp boıynsha toptarǵa bóle alady. Mysaly, sabaqta synyp qyzdar men uldar toptaryna bólinedi, al muǵalim ár topqa jeke jattyǵýlar beredi. Mundaı ádistemelik tásilderdi saralanǵan ádisti qoldaný qajet bolǵanda basqa pán muǵalimderi de paıdalanady», - deıdi Komıtet mamandary.