Mamyr aıynda áleýmettik jelide Almatyda zeınetkerdiń soqqyǵa jyǵylǵan sáti túsirilgen vıdeo taraǵan.
Almaty turǵyny zeınetker anasyn qatty soqqyǵa jyqqany úshin bas bostandyǵynan aıyryldy, dep habarlaıdy Almaty-akshamy.kz
Belgili bolǵandaı, vıdeoda ene men kelin arasyndaǵy janjal, onyń barysynda 50 jastaǵy ulynyń 74 jastaǵy anasyn qatty soqqyǵa jyqqany beınelengen.
Bul qylmystyq isti Alataý aýdandyq soty qarady.
Sot barysynda sottalýshy Aleksandr Smırnov anasyn qalaı urǵany esinde joq ekenin aıtyp, endi mundaı jaǵdaı qaıtalanbaıtynyn aıtyp, keshirim surady. Alaıda egde jastaǵy áıel balasyn keshirmeıtinin aıtty.
«Sot úkimimen Aleksandr Vladımırovıch Smırnov baptyń 2-bóliginde kózdelgen qylmystyq quqyq buzýshylyqty jasaǵany úshin kináli dep tanyldy. Qazaqstan Respýblıkasy Qylmystyq kodeksiniń 107 baby boıynsha 1 jyl 6 aı merzimge bas bostandyǵyn shekteý jazasy taǵaıyndalyp, probasıalyq baqylaý belgilensin», - degen Alataý aýdandyq sotynyń sýdıasy Gúlzat Shardarbekova.