Qatarlastarynan qysym kórgen
Petropavlda oqýshy mektepke balta alyp kelip, úsh balany jaralaǵan. Soltústik Qazaqstan oblystyq prokýratýrasy osy oqıǵanyń mán-jaıyn aıtty. Bul týraly Almaty-akshamy.kz AstanaTV-ǵa silteme jasap habarlaıdy.
Aqpanda jasóspirim psıhıatrıalyq baqylaýda turǵan. Endi balanyń buǵan deıin de ózin-ózi óltirýge oqtalǵany belgili boldy.
«Bala sýısıd jasaýǵa oqtalǵan soń, úsh aı sabaqtan qalǵan. Biraq muǵalimder balanyń árketine mán bermegen», – deıdi prokýror.
«Bul bala 2021 jyly óz-ózine qol jumsamaq bolǵan. Alaıda mektep bul týraly densaýlyq saqtaý organdaryna habarlamaǵan. Mektep ákimshiligi sýısıd áreketiniń mán-jaıyn túsindirmedi», – dedi Soltústik Qazaqstan oblysy prokýrorynyń orynbasary Ábý Álı Sattar.
Prokýratýrada ótken jıynda muǵalimder bala synyptastaryna shabýyl jasamas buryn qatarlastarynan qysym kórgenin aıtty.
Aıta keteıik,13 aqpanda Petropavlda 9-synyp oqýshysy mektepke úsh oqýshyny baltamen jaraqattady.