Ushý-qoný jolaǵynda júrgizilip jatqan jóndeý jumystary sebep bolǵan
6 cáýirde 15:30-daǵy Aqtaý - Shymkent reısi Almatyǵa qonýǵa májbúr boldy, dep habarlaıdy Almaty-akshamy.kz Zakon.kz-ke silteme jasap.
Áýe kompanıasynyń baspasóz qyzmetiniń habarlaýynsha, buǵan Shymkent áýejaıyndaǵy ushý-qoný jolaǵynda júrgizilip jatqan jóndeý jumystary sebep bolǵan.
"Bul jaǵdaıda reıstiń keshigý sebebi áýe kompanıasynyń kesirinen bolmady. Áýe kompanıasynyń kinásiniń joqtyǵyna qaramastan, biz osy reıstiń jolaýshylaryna sýsyndar men ystyq taǵamdar usyndyq", - delingen FlyArystan taratqan málimette.
Keıinirek FlyArystan Shymkent áýejaıy reısterdi qabyldaı bastaǵanyn habarlady. Almatyda qonýǵa májbúr bolǵan KS7578 Aqtaý - Shymkent reısiniń Almatydan ushyp shyǵýy úshin áýe kompanıasy áýe kemesinde tıisti jumys júrgizýi qajet bolǵan. Alaıda bul rásimder ushaq borttan shyǵýdan bas tartqan jolaýshylardyń kesirinen keshikken.
"Almatyda qonýǵa májbúr bolǵan KS7578 Aqtaý - Shymkent reısi qazirgi ýaqytta ushýǵa daıyndalyp jatqanyn jáne destrýktıv jolaýshylarmen bolǵan jaǵdaıdyń sheshilgenin habarlaımyz", - delingen habarlamada.
Keıin reıs Almaty ýaqyty boıynsha 6 sáýirde saǵat 23:02-de Shymkentke ushyp shyqqan.