Magıstraldyq temírjol jelísíníń 8 obektísín tekseríldí.
Qazaqstan temír joly kompanıyasynyń 59 lauazymdy tūlǵasy əkímshílík jauapkershílíkke tartyldy. Būl turaly Májílís deputattarynyń saualyna QR Bas prokurory Berík Asylovtyń jauabynda aıtylǵan, dep habarlaıdy Almaty-akshamy.kz QazAqparatqa sílteme jasap.
«Osy jyly Kólík komıtetíníń aumaqtyq bólímshelerí magıstraldyq temírjol jelísíníń 8 obektísín tekserdí. Nətıjelerí boıynsha ərtúrlí būzushylyqtardy joyu turaly nūsqama beríldí. Íshkí íster mınıstrlígí Industrıya jəne ınfraqūrylymdyq damu mınıstrlígímen jəne Qazaqstan temír jolymen bírlesíp, temírjol tósemíníń boıynda qorshau qūrylǵylarynyń boluyna 1 022 tekseru júrgízdí. Onyń qorytyndysy boıynsha QTJ-ǵa 832 ūsynys engízíldí. Ákímshílík qūqyq būzushylyq turaly kodekstíń 479-baby boıynsha QTJ-nyń 59 lauazymdy tūlǵasy əkímshílík jauapkershílíkke tartyldy», - dedí Berík Asylov.
Onyń atap ótuínshe, QTJ poıyz qozǵalysynyń qauípsízdígín qamtamasyz etu maqsatynda aldyn alu jūmysyn júrgízíp otyrady.
«Temír joldarǵa tíkeleı jaqyn ornalasqan eldí mekenderdíń tūrǵyndaryna qauíptílígí joǵary aımaqtaǵy tərtíp jəne mal jayu erejeleríníń talaptary túsíndírílíp keledí. Bógde adamdardyń belgílenbegen jerlerden ótuíne jol bermeu maqsatynda qūqyq qorǵau organdarymen bírlesíp, stansalardyń aumaqtarynda reıdter júrgízíledí», - dedí ol.