Aqtóbelik oqýshy qaýip tóngen kezde jaqynyna jedel habar beretin qosymsha jasady.
Uıaly telefonǵa arnalǵan baǵdarlama SOS dabylymen qatar kómek suraýshynyń turǵan ornyn da anyqtaıdy, dep habarlaıdy Almaty-akshamy.kz
Qosymsha avtory - Nazarbaev zıatkerlik mektebiniń oqýshysy Aıan Qaıyrbek. Karantın kezinde turmystyq zorlyq-zombylyq týraly jıi estigen ol osy jobany qolǵa alǵan.
Daryndy bala qosymshany kez kelgen jastaǵy adam qoldana alatyndaı, yńǵaıly etip jasady. Telefonǵa júktep alǵannan keıin senimdi úsh adamnyń nómirin engizý qajet. Uıaly qosymshada el tóńiregindegi daǵdarys ortalyqtary men quqyq qorǵaýshylar jáne medısınalyq mekemeler týraly aqparat ta bar.
«102 jáne 112 nómirlerine tikeleı habarlama joldaý úshin ishki ister jáne tótenshe jaǵdaılar mınıstrlikterine habarlastym. Biraq ázirge mundaı múmkindik joq eken. Bolashaqta qutqarý qyzmetteriniń koll-ortalyqtary SMS-habarlama qabyldaıtyn bolsa, qosymshany jańartyp, jedel aqparat joldaıtyndaı etemin», – deıdi oqýshy Aıan Qaıyrbek.