Munyń sebebi – mektep jıhazyn ornalastyrýda ketken kemshilikter.
Atap aıtqanda, oqýshylardyń boı jáne jas erekshelikterin eskermeý, dep habarlaıdy Almaty-akshamy.kz
Oqý-aǵartý mınıstrliginiń Qarjy jáne búdjetti josparlaý departamentiniń dırektory Ǵalymjan Moldash Densaýlyq saqtaý mınıstrliginiń málimetine sáıkes, keıingi jyldary oqýshylar arasynda skolıozben syrqattanýshylyqtyń ósýi baıqalǵanyn aıtty.
"Keıingi jyldary mektep oqýshylary arasynda skolıoz aýrýy eki ese ósti. Sondyqtan "Jaıly mektep" ulttyq jobasy aıasynda jıhazǵa basa nazar aýdaryldy. Sonymen qatar, balalardyń fızıkalyq aýyrtpashylyǵyn azaıtý jáne olardy yńǵaıly etý úshin mektep kerek-jaraqtary aýystyrylyp, barlyq mektepte kıim saqtaýǵa arnalǵan jeke shkaftar bolady. Mektepterdiń ár qabatynda aýyzsý burqaqtary ornatylady", - dedi Ǵalymjan Moldash.
Bilim mınıstrligi ókiliniń aıtýynsha, erekshe qajettilikteri bar balalarǵa jaǵdaı jasaý maqsatynda árbir mektep pandýs, lıft, kótergishter men sanıtarlyq toraptarmen jabdyqtalady.
"Qazirgi ýaqytta mektepterdiń eshqaısynda lıft joq. Sondyqtan, balalarǵa jaǵdaı jasaý úshin endi salynatyn barlyq mektep lıftpen jáne qurylǵylarmen jabdyqtalýy kerek. Ulttyq jobany iske asyrý úshin 30-dan asa memlekettik organdar men uıymdar jumyldyryldy. Olardyń árqaısynyń róli men jaýapkershiligi anyqtaldy. Oqý-aǵartý mınıstrligi ulttyq jobanyń sapaly iske asyrylýyn qadaǵalap, ádistemelik qoldaý kórsetedi. "Samuryq-Qazyna" jáne óńirlerdiń ákimdikteri mektepterdiń sapaly qurylysy men olardy paıdalanýǵa óz ýaqytynda berýge jaýapty", dep túıindedi ol.